مشہد، سیلاب میں بہہ کر سات افراد جاں بحق

مہر خبررساں ایجنسی کے مطابق، صوبہ خراساں رضوی کے مرکز مشہد میں شدید بارشوں کی وجہ سے سڑکوں اور شاہراہوں پر پانی سیلاب کی شکل اختیار کرگیا ہے۔

امدادی اداروں کے مطابق خیابان سیدی اور انقلاب اسکوائر پر سیلابی ریلے کی وجہ سے سب سے زیادہ نقصان ہوا ہے جس میں اب تک کی اطلاعات کے مطابق 7 افراد جاں بحق ہوگئے ہیں۔

امدادی کارکنوں کے مطابق 3 افراد اب بھی لاپتہ ہیں اور امدادی کارکن ان کو تلاش کررہے ہیں۔

مشہد میں شدید بارشوں کی وجہ سے ہنگامی صورتحال کے پیش نظر وزیرداخلہ احمد وحیدی نے کچھ دیر پہلے شہر کا دورہ کیا اور صورتحال کا نزدیک سے جائزہ لیا ہے۔